بقلم : هادي كحيل
صحيح تعبت يا جيش بس ما انحنيت
عبالي اهديك هيدي القصيدي
استعملت دمك فيها حبر ومديت
واكتبت أبيات بتشبهك بخط إيدي
وغيرت القوافي الفصيحة ما استحيت
وكسرت بقوافي عاميي أيام عنيدي
كل فترة انتصرت فيها وما زليت
رسمت حدود أرزك لمرحلي جديدي
يا جيشي محدا متلك ولا بمتلك التقيت
كل عمرك مقدام وما كنت بيوم طريدي
ما فيي شوفك مكسور او انك انأذيت
لانو انت الحلم وانت الحقيقة الاكيدي
من وقت اللي شفت جبينك عالي حبيت
وحبيت شعارك وحبيت مواقفك العتيدي
ما تفكرني عم بالغ بشعري او جنيت
خزقت قصايدي كلا لانو انت احلا قصيدي
ه.ك
